Բրիտանիայի ոստիկանությունը կանխել է Մեծ Բրիտանիայի թագուհի Էլիզաբեթ Երկրորդի դեմ նախատեսվող հարձակումը՝ ձերբակալելով 4 իսլամիստի, այդ մասին հայտնում է The Sun-ը։
Ահաբեկիչները, ինչպես վստահեցնում է թերթը, նախատեսում էին սպանել Էլիզաբեթ Երկրորդին պատերազմների և զինված հակամարտությունների զոհերի հիշատակին նվիրված միջոցառման ժամանակ։
Նրանք նախատեսում էին հարձակվել թսգուհու վրա դանակով թագավորական Ալբերտ հոլում։
Ոստիկանությունը ձերբակալել է 19-27 տարեկան 4 կասկածյալի, ինչպես նաև ստուգումներ է անցկացրել Լոնդոնի արևմտյան հատվածում և Բաքինգեմշիր կոմսությունում։
Daily Mail-ի տեղեկություններով՝ նրանցից ամենափոքրը 19-ամյա Յուսուֆ Սաիդն է, նա ձերբակալվել է մոր տանը։ Նշվում է, որ նա վերջերս է վերադարձել Պակիստանից։
Թագուհին և վարչապետը տեղեկացվել են հարձակման մասին։ Սակայն թագուհին կշարունակի առաջիկայում մասնակցել նախատեսված միջոցառումներին։
Արդյոք ձերբակալվածները կապ ունեն «Իսլամական պետություն» խմբավորման հետ, չի հաղորդվում։
