Հայաստանը 53-րդ տեղն է զբաղեցրել Համաշխարհային տնտեսական ֆորումի՝ միջազգային առեւտրին երկրների ներգրավվածության մասին (The Global Enabling Trade Report) 2014թ. զեկույցում՝ 138 երկրների շարքում:
Լավագույն ցուցանիշներն են գրանցել Սինգապուրն ու Հոնկոնգը:
Հարեւան Վրաստանը 34-րդն է, Ադրբեջանը՝ 77-րդը, Թուրքիան՝ 46-րդը եւ Իրանը՝ 131-րդը:
Հայաստանն առաջատարն է ԱՊՀ երկրների շարքում. Ռուսաստանը 105-րդ տեղում է, Ղազախստանը՝ 94-րդ:
Երկու տարին մեկ հրապարակվող զեկույցում գնահատվում է կառույցների, քաղաքականության եւ սպասարկումների որակը, որոնք նպաստում են սահմանով ապրանքների ազատ հոսքին՝ մինչեւ նշանակման վայր:
Զեկույցի հիմքում ընկած են առանցքային չորս բնագավառների ցուցանիշները՝ ելք շուկա, սահմանային վարչարարություն, տրանսպորտային եւ կապի ենթակառույցներ եւ գործարար միջավայր:
Նշենք, որ 2012թ. զեկույցում Հայաստանը 132 երկրների շարքում զբաղեցնում էր 59-րդ տեղը: