Հայաստանի կառավարությունն իր վերջին նիստում հավանության է արժանացրել «Խաղաղ նպատակներով ատոմային էներգիայի անվտանգ օգտագործման մասին» և «ՀՀ-ում ստուգումների կազմակերպման և անցկացման մասին» օրենքներում փոփոխություն և լրացումներ կատարելու օրենքների նախագծերի փաթեթը:
Փաթեթի ընդունումը հնարավորություն կտա ատոմային էներգիայի օգտագործման բնագավառում իրականացվող ստուգումները համապատասխանեցնել ՀՀ միջազգային պայմանագրերով սահմանված չափանիշներին՝ ապահովելով դրանցով ստանձնած պարտավորությունների կատարումը:
«Բնագավառում իրականացվող քաղաքականությունը բխում է ատոմային էներգիայի օգտագործման բնագավառում անվտանգության պետական կարգավորման պահանջից»,-նշված է օրինագծերի հիմնավորման մեջ: Կարգավորող մարմինը ՀՀ կառավարությանն առընթեր միջուկային անվտանգության կարգավորման պետական կոմիտեն է:
