ՌԴ ԱԳՆ ղեկավար Սերգեյ Լավրովը Պետդումայում «կառավարական ժամ»-ի ընթացքում հայտարարել է, որ իր ամերիկացի գործընկեր Ջոն Քերին իրեն խորհուրդ է տվել ուշադրություն չդարձնել ԱՄՆ նախագահ Բարաք Օբամայի խոսքեին, ով ՌԴ-ին հավասարեցրել էր էբոլա տենդին և ահաբեկչությանը. հայտնում է РИА Новости-ն:
«Ես ուշադրություն էի դարձրել Օբամայի այն սպառնալիքներին, որոնք հնչել էին ՄԱԿ-ի Գլխավոր ասամբլեայի ժամանակ... Վերջերս զրուցում էի ԱՄՆ պետքարտուղարի հետ և հարցրեցի նրան՝ ի՞նչ է այդ ամենը նշանակում: Քերին, ի պատասխան, խորհուրդ տվեց ուշադրույթուն չդարձնել»,- պատմել է Լավրովը: «Եթե այդ ամենը այդքան լուրջ է, ապա, անխոս, դա ցավալի է»,- հավելել է նա:
