Լեռնային Ղարաբաղի հակամարտությունում չկա ոչ մի «չեզոք» տարածք, կա «ոչ մեկի հող», որը բաժանում է ռազմական ուժերը: Այդ մասին Twitter-ի իր էջում գրել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:
«Որպեսզի ավելի հստակ լինի, Լեռնային Ղարաբաղի հակամարտությունում չկա ոչ մի «չեզոք» տարածք: Բայց կա «ոչ մեկի հող», որը բաժանում է ռազմական ուժերը»,- գրել է նա:
«Ոչ մեկի հող» տերմինն օգտագործվում է՝ նկարագրելու երկու հակառակորդ բանակների առաջնային գծերի կամ խրամատների միջև ընկած վիճելի տարածքը:
