Ռուսաստանի նախագահ Վլադիմիր Պուտինը երկրում գործող կարգը տապալելու կոչերը ծայրահեղականության դրսևորում է որակում:
Ինչպես տեղեկացնում է kommersant.ru-ն, այդ մասին նա հայտարարել է Անվտանգության խորհրդի նիստին, որտեղ քննարկվել է ծայրահեղականությանը հակազդելու պետական կոնցեպցիան:
Նախագահը կոչ է արել Ռուսաստանում «գունավոր» հեղափոխություն թույլ չտալ:
Վլադիմիր Պուտինը գործող կարգի տապալման կոչերը ծայրահեղականության դրսևորում է համարում:
«Տարբեր ազգերի և հավատքի մարդկանց միջև հակամարտությունների բորբոքումը, ազգայնական գաղափարախոսության քարոզչությունը, հասարակական կարգի զանգվածային խախտումներն այդ նպատակով, գործող կարգը բռնի տապալելու կոչերը՝ դրանք ապազգային քայլեր են՝ ծայրահեղականության դրսևորում»,- հայտարարել է նա:
Վլադիմիր Պուտինն անհրաժեշտ է համարել այլ երկրների փորձից դասեր քաղելը, որտեղ ծայրահեղականությունն օգտագործվում է որպես աշխարհաքաղաքական ինստիտուտ:
«Մենք տեսնում ենք, թե ինչ ողբերգական հետևանքների են հանգեցնում «գունավոր» հեղափոխությունների կոչերը, թե ինչ ցնցումներ ապրեցին այն երկրների ժողովուրդները, որոնք անցան անպատասխանատու փորձարկումների միջով: Մենք պարտավոր ենք անել հնարավորը, որպեսզի Ռուսաստանում նման բան երբեք տեղի չունենա»,-ասել է նա:
