Ճապոնիայի վարչապետ Սինձո Աբեն լուծարել է խորհրդարանը՝ արտահերթ խորհրդարանական ընտրություններ անցկացնելու հնարավորություն ընձեռելով, գրում է BBC News-ը։
Աբեն տնտեսության մեջ կտրուկ փոփոխությունների կողմնակից է և փորձում է խուսափել, կամ գոնե հետաձգել վաճառքի հարկի ավելացման ներդրումը։
Սակայն, ընտրողների շրջանում ԶԼՄ-ների անցկացրած հարցումը ցույց է տվել, որ մարդիկ այդ հարցում այդքան էլ նրա հետ համաձայն չեն և չեն հասկանում, թե ինչու է նա որոշել խորհրդարանական ընտրություններ անցկացնել ժամանակից երկու տարի շուտ։
Ընտրությունները կկայանան դեկտեմբերի կեսերին։
Ճապոնական խորհրդարանը երկու պալատից է կազմված՝ խորհրդականների պալատ (վերին պալատ) և ներկայացուցիչների պալատ։