Hurriyet-ի փոխանցմամբ՝ Թուրքիայի նախագահ Ռեջեփ Թայիփ Էրդողանը կրկնել է իր այն պնդումը, թե Եգիպտոսի նախագահ Աբդել Ֆաթահ ալ Սիսին ոչ լեգիտիմ նախագահ է:
Էրդողանն այս մասին հայտարարել է Ստամբուլում «Կանայք և արդարադատությունը» խորագրով գագաթաժողովին՝ զուգահեռ կշտամբելով այն երկրներին, որոնցում Սիսին Եգիպտոսի օրինական նախագահ է համարվում:
Էրդողանն այս առնչությամբ նշել է, որ այսօր աշխարհում չկա մի երկիր, որտեղ մեկ օրում 3.000 մարդ սպանվի՝ նկատի ունենալով անցած տարվա արյունալի դեպքերը Եգիպտոսում, որ նախորդել էին Սիսիի իշխանության գալուն: Նա բարձրացրել է Եգիպտոսի նախորդ նախագահ Մուհամմեդ Մուրսիի տապալման հարցը:
Եգիպտոսի և Թուրքիայի հարաբերությունները խիստ լարված են, Եգիպտոսը հետ է կանչել իր դեսպանին՝ Անկարայի դիրքորոշումների պատճառով:
