Ռուսաստանի Պետդումայի խոսնակ Սերգեյ Նարիշկինն առաջարկել է եվրոպացիներին վտարել ԱՄՆ-ին ՆԱՏՕ-ից, փոխանցում է ՏԱՍՍ գործակալությունը։
«Ես ֆանտաստիկ առաջարկ ունեմ. կառաջարկեի եվրոպացի գործընկերներին վտարել ԱՄՆ-ին ՆԱՏՕ-ից»,- ասել է քաղաքական գործիչը՝ ելույթ ունենալով «Եվրոպայում ճգնաժամը հաղթահարելու ուղիներ» թեմայով միջազգային «կլոր սեղանի» շրջանակում։
«Եվ ես վստահ եմ, որ դրանից հետո Եվրոպայում կայունության և անվտանգության մակարդակը բավականին արագ կվերադառնա անհրաժեշտ վիճակին»,- նշել է Նարիշկինը։
Նշենք, որ ՆԱՏՕ-ն կամ Հյուսիսատլանտյան դաշինքը ստեղծվել է 1949թ. ապրիլի 4-ին՝ ԱՄՆ-ի նախաձեռնությամբ։