Այսօր կայացավ Հայաստանի արդյունաբերողների և գործարարների միության և ՀՀ էկոնոմիկայի նախարարության համատեղ՝ «Եվրասիական տնտեսական միության երկրներ- Հայաստան արտահանման խնդիրներ» թեմայով կազմակերպած կլոր–սեղան սեմինար:
«Արարատ» սննդի կոմբինատի տնօրեն Երվանդ Թարվերդյանը հետաքրքրվեց, թե արդյոք հունվարի մեկից՝ ԵՏՄ անդամակցությունից հետո, մաքսային հայտարարագրեր լրացվելու են և թեկուզ կանոնակարգում նախատեսված է, որ չեն լրացվելու, սակայն այս անցումային փուլում հնարավո՞ր է նման բան լինի:
Էկոնոմիկայի փոխնախարար Էմիլ Տարասյանը պատասխանեց, որ ԵՏՄ-ի նպատակն է, որ անդամ երկրները դիտվեն որպես մեկ տնտեսական տարածք՝ մաքսային ձևակերպումներ չիրականացվեն, բեռները կանգ չառնեն:
Նա նշեց, որ մաքսակետները մնալու են, քանի որ մենք ունենք սահման այլ երկրների հետ, սակայն մաքսային ձևակերպումներ չեն իրականացվելու:
«Լինելու են տրանզիտ ձևակերպումներ՝ Վրաստանի տարածքում»,-ասաց նա:
