Ինդոնեզիայում երկրի պաշտոնյաներին կարգադրվել Է խորհրդակցությունների ժամանակ փողոցի տեղական կերակուրներ օգտագործել ներմուծվող թանկարժեք կերակրատեսակների փոխարեն՝ պետական աշխատակազմը պահելու ծախսերի կրճատման նպատակով նոր կառավարության ծրագրի շրջանակներում: Նոր կանոնները վերաբերում են բոլոր նախարարություններին եւ ուժի մեջ կմտնեն դեկտեմբերի 1-ին: Այժմ պաշտոնական հանդիպումների ժամանակ կմատուցեն խաշած եգիպտացորեն, կարտոֆիլի հրուշակ եւ մանիոկայի կերակուր, տեղեկացնում Է New Straits Times թերթին:
Այս միջոցառումների մասին հայտնել Է բյուրոկրատական բարեփոխման նախարար Յուդի Քրիսանդին, ով պարզաբանել Է, որ տեղական կերակրի գործածումը կօգնի ինդոնեզացի ագարակատերերին, իսկ պաշտոնյաները կազատվեն արյան բարձր ճնշման եւ խոլեստերինի բարձր մակարդակի վտանգից:
Կանոնի խախտման համար պաշտոնյային կզրկեն պարգեւավճարից կամ կիջեցնեն պաշտոնը:
Նաեւ պաշտոնյաներին կարգադրված Է իրենց կողմից կազմակերպվող ժամանցային միջոցառումներին հրավիրվածների թիվը կրճատել մինչեւ 400: Այս միջոցն ուժի մեջ կմտնի հաջորդ տարվա ընթացքում: «Կան բարձրաստիճան այնպիսի պաշտոնյաներ, որոնք կազմակերպում են իրենց երեխաների հարսանիքները եւ հրավիրում հազարավոր մարդկանց, ինչի պատճառով առաջանում են խցանումներ»,- նշել Է նախարարը, հաղորդել Է ՌԻԱ Նովոստին: