ՆԱՏՕ-ն կընդունի ցանկացած որոշում, որ ուկրաինացիները հանրաքվեի միջոցով կկայացնեն երկրի՝ ՆԱՏՕ-ի կազմ մտնելու կամ չմտնելու շուրջ:
«Էխո Մոսկվիին» տված հարցազրույցում նման հայտարարություն է արել Դաշինքի գլխավոր քարտուղար Ենս Սթոլթենբերգը:
Նա նկատել է, որ ցանկացած ելքի դեպքում էլ վերջնական որոշումն Ուկրաինայի ժողովրդինն է լինելու: Անձամբ ինքը հարգել է Վիկտոր Յանուկովիչի օրոք՝ դաշինքից դուրս գտնվելու կուրսը: Այժմ էլ խոստացել է հարգել այն որոշումը, որը կփոխի այդ կուրսը:
Նախօրեին Ուկրաինայի նախագահ Պյոտր Պորոշենկոն հայտարարել էր, որ Ուկրաինայի նախկին՝ արտադաշինքային կուրսը փոփոխվում է: Նա հայտարարել էր, որ ՆԱՏՕ-ի անդամության հայտի ներկայացումը որոշվելու է համաժողովրդական հանրաքվեով: