ՌԴ Պետդումայի միջազգային հարցերով կոմիտեի ղեկավար Ալեքսեյ Պուշկովը կարծում է, որ կիևյան իշխանությունների տրամաբանությանը հետևելով՝ Վրաստանի նախկին նախագահ Միխեիլ Սաակաշվիլին կարող էր Ուկրաինայի վարչապետը դառնալ: Այս մասին հայտնում է Ria Novosti-ն՝ հղում անելով Պուշկովի թվիթերյան էջին:
«Պորոշենկոյի նոր խոսքը: Ուկրաինայի ՆԳՆ ղեկավարի պաշտոնին հավակնում է վրացի՝ Սաակաշվիլիի հայրենակիցը: Իսկ ինչո՞ւ վարչապետ չնշանակել հենց Սաակաշվիլիին»,- գրել է պատգամավորը:
Ավելի վաղ հաղորդվում էր, որ Ուկրաինայի նախագահ Պյոտր Պորոշենկոն առաջարկել է Ուկրաինայի ՆԳՆ ղեկավար նշանակել Վրաստանում կարևոր պետական պաշտոններ զբաղեցրած Զուրաբ Ադեիշվիլիին:
