Ադրբեջանի նախագահ Իլհամ Ալիևը զանգահարել է Թուրքիայի նախագահ Ռեջեփ Թայիփ Էրդողանին, շնորհավորել Թուրքիայում կայանալիք` G20 գագաթաժողովի կապակցությամբ և որակել դա որպես միջազգային հարթակում Թուրքիայի դերակատարության մեծացում. հայտնում է АПА-ն:
Զրույցի ընթացքում երկու երկրների ղեկավարները քննարկել են երկկողմ հարաբերություններին, ինչպես նաև ԼՂ հակամարտության կարգավորման ուղիներին առնչվող հարցեր: Նրանք հույս են հայտնել, որ Ադրբեջանի և Թուրքիայի միջև եղբայրական հարաբերությունները հաջողությամբ կզարգանան բոլոր ոլորտներում:
