Morgan Stanley Asia –յի ղեկավար խորհրդի նախկին նախագահ Սթիվեն Ռոուչը նախազգուշացնում է, որ Ֆեդերալ պահուստային համակարգը, հանդես գալով ի օգուտ չափազանց ցածր տոկոսադրույքների և իրականացնելով պարտավորությունների գնման նախագիծ, կարող է նոր համաշխարհային ճգնաժամ ստեղծել.
«Անհրաժեշտ է լուրջ վերանայել արժութային խթանման քաղաքականությունը, մերժողական ճնշումը և ֆինանսական կայունության ծանրությունը, ինչպես նաև վերջինիս ազդեցությունն ակտիվների և կրեդիտների շուկաների վրա», – նշել է Ռոուչը:
Անցյալ շաբաթվա տվյալներով ամերիկյան ԿԲ-ի բալասում կար 0,9 տրիլիոն ակտիվ, որը մոտ մեկ տրիլիոն գերազանցում է նախորդ տարվա նույն ժամանակահատվածի միևնույն ցուցանիշին: Աճը պայմանավորված է պարտավորագրերի գնման նախագծով՝ իրականացված 2007-2008թ.թ. համաշխարհային տնտեսական ճգնաժամից հետո տնտեսությունը խթանելու համար:
Անցյալ տարի՝ մինչև աստիճանական կրճատումը, ԱՄՆ ֆեդերալ պահուստային համակարգը ամեն ամիս ձեռք էր բերում գանձապետական պարտավորություններ և հիփոթեքով երաշխավորված 85 միլիարդ դոլարի արժեթղթեր: Նախատեսված հետգնման գումարը հուլիսին կազմում էր 35 միլիարդ դոլար:
Ռոուչի կարծիքով, քանի դեռ Ֆեդերալ պահուստային համակարգի բալանսում ակտիվների ծավալը կազմում է 4,25-4,5 տրիլիոն դոլար, բոլոր հիմքերը կան հարց ուղղելու՝ Ֆեդերալ պահուստային համակարգին՝ այն ուզո՞ւմ է ֆինանսական կայունություն, և ենթադրել, որ մոտ ապագայում նոր ճգնաժամ է լինելու:
Ռոուչի մտավախությունները շարունակում է միլիարդեր Ուիլբուր Ռոսսը, ով էլ պնդում է, որ խոշորագույն կենտրոնական բանկերի շատ փափուկ դրամավարկային քաղաքականությունը սուվերեն պարտքի կրիտակական չափերի հասնող «փուչիկ» է ստեղծել: