Ահաբեկչության մեջ կասկածվողների հարցաքննությունների ժամանակ ամերիկյան հատուկ ծառայությունների կողմից կտտանքներ կիրառելու մասին զեկույցի հրապարակման հետ կապված ԱՄՆ-ը ուժեղացրել է արտասահմանում, այդ թվում` Ադրբեջանում, իր դեսպանատների եւ հյուպատոսությունների անվտանգությունը:
Ինչպես հաղորդում են ադրբեջանական ԶԼՄ-ները, Վաշինգտոնը երկյուղում է, որ փաստաթուղթը կարող է առաջացնել մահմեդականների զայրույթը, առաջին հերթին` արաբական երկրներում, եւ բերել ամերիկյան դիվանագիտական ներկայացուցչությունների վրա հարձակումների:
Ադրբեջանում ԱՄՆ դեսպանատանը հրաժարվել են մանրամասներ հաղորդել ադրբեջանական ԶԼՄ-ների` այդ առնչությամբ հնչեցրած հարցին, բայց նշել են, որ բոլոր դիվանագիտական առաքելությունների ղեկավարներին առաջարկվել է հրապարակված զեկույցի առնչությամբ հնարավոր արձագանքի շրջանակում քննության ենթարկել նրանց անվտանգության մակարդակը:
