Վրաստանում «Բարեփոխիչների ակումբը»՝ պաշտպանության նախկին նախարար Դմիտրի Շաշկինի գլխավորությամբ հանդես է եկել հօգուտ այդ երկրում Ռուսաստանի դրոշն արգելելու: Այս մասին հայտնում է «Գրուզիա Օնլայն»-ը:
Ակումբը դիմել է Վրաստանի խորհրդարանին՝ խնդրելով օրենսդրորեն ամրագրել Ռուսաստանի եռագույնն օգտագործելու արգելքը՝ հիմնավորելով, որ Թբիլիսիի փողոցներում «Աերոֆլոտի» վահանակներ կան ռուսական դրոշի խորհրդանշանով, ինչը վիրավորում է քաղաքի բնակիչներին:
Վրաստանում հասարակական վայրերում Ռուսաստանի դրոշն օգտագործելու համար որպես պատիժ առաջարկում են մինչև 2 տարվա ազատազրկում: