ՌԴ արտգործնախարար Սերգեյ Լավրովն ԱՄՆ պետքարտուղար Ջոն Քերիի հետ հանդիպման ընթացքում ընդգծել է, որ հարաբերությունները կարող են զարգանալ միայն հավասար պայմաններում, իսկ Ռուսաստանի վրա ճնշումների փորձերը հեռանկար չունեն:
Այդ մասին տեղեկացնում է ТАСС գործակալությունը՝ վկայակոչելով Հռոմում երկու երկրների արտաքին գերատեսչությունների ղեկավարների հանդիպման մասին ՌԴ ԱԳՆ-ի հայտարարությունը:
«Ուկրաինայի հարավ-արևելքում տեղի ունեցող իրադարձությունների համատեքստում ընդգծվել է մինսկյան համաձայնությունների հետևողական իրագործման, և այդ նպատակով ստեղծված խմբի նիստ հրավիրելու անհրաժեշտությունը»,- ասված է ՌԴ ԱԳՆ-ի հաղորդագրությունում:
Երկկողմ հարաբերությունների քննարկման ընթացքում Սերգեյ Լավրովն ընդգծել է, որ դրանց զարգացումը հնարավոր է միայն հավասարության և փոխադարձ շահերը հաշվի առնելու հիմքի վրա, իսկ Ռուսաստանի վրա ճնշումներն անհետևանք են: