Եվրամիությունը հիշեցրել է Թուրքիային, որ երկրի` ԵՄ-ին հնարավոր անդամակցության թեման «ո'չ միայն տնտեսությանը վերաբերող հարց է, այլև` արժեքների ու սկզբունքների գնահատման»:
Ինչպես փոխանցում է ТАСС գործակալությունը` այս մասին երկուշաբթի հաղորդել է ԵՄ արտաքին հարցերով և անվտանգության քաղաքականության գերագույն հանձնակատար Ֆեդերիկա Մոգերինին` մեկնաբանելով Ստամբուլում և Թուրքիայի մի շարք այլ քաղաքներում ընդդիմադիր լրագրողների ձերբակալությունների փաստը:
«Թուրքիան պետք է իրեն հաշիվ տա, որ ԵՄ-ին անդամակցելու ընթացակարգը ո'չ միայն տնտեսության հարց է, այլև` արժեքների ու սկզբունքների», - ասել է Մոգերինին:
Վերջինս խոստացել է «պարզաբանել իրավիճակը» թուրքական կողմի հետ սպասվելիք շփումների ժամանակ:
