Այս տարվա մայիսին Երևանում բազմաբնակարան բնակելի շենքերի բնակարանների, 1 մ մակերեսի հաշվարկով, շուկայական միջին գները 2013 թվականի մայիսի համեմատ 0.04%-ով աճել են: Այս մասին տեղեկանում ենք ՀՀ կառավարությանն առընթեր անշարժ գույքի կադաստրի պետական կոմիտեից:
Մայիսին Երևանի վարչական շրջաններում բազմաբնակարան բնակելի շենքերի բնակարանների առուվաճառքների (պայմանագրային) գների և առաջարկվող գների վերլուծության արդյունքում ձևավորվել են բազմաբնակարան բնակելի շենքերի բնակարանների հետևյալ շուկայական միջինացված գները` 1 մ մակերեսի հաշվարկով.
Իսկ ինչ վերաբերում է հանրապետության քաղաքների, բացառությամբ Երևանը, բազմաբնակարան բնակելի շենքերի բնակարանների, 1 մ մակերեսի հաշվարկով, շուկայական միջին գներին, ապա տեղեկանում ենք, որ 2013 թվականի մայիսի համեմատ դրան մնացել են անփոփոխ:
Այս տարվա մայիսին մարզերում վաճառվել է բազմաբնակարան բնակելի շենքերի 359 բնակարան, որոնց քանակը, 2014 թվականի ապրիլի համեմատ, նվազել է 12.2 %-ով, իսկ 2013 թվականի մայիսի համեմատ` աճել 11.5 %-ով: Վաճառված բազմաբնակարան բնակելի շենքերի բնակարանների առուվաճառքների (պայմանագրային) գների և առաջարկվող գների վերլուծության արդյունքում ձևավորվել են բազմաբնակարան բնակելի շենքերի բնակարանների հետևյալ շուկայական միջինացված գները` 1 մ մակերեսի հաշվարկով.
Անհատական բնակելի տների մասին: Ըստ Անշարժ գույքի կադաստրի պետական կոմիտեի` մայիսին հանրապետությունում արձանագրվել է անհատական բնակելի տների 418 առուվաճառքի գործարք, այդ թվում` Երևան քաղաքում՝ 114 գործարք, մարզերում՝ 304 գործարք: 2014 թվականի մայիսին, 2014 թվականի ապրիլի համեմատ, անհատական բնակելի տների առուվաճառքի գործարքների քանակը նվազել է 5.4 %-ով, ընդ որում, Երևանում 5.8 %-ով, իսկ մարզերում` 5.3 %-ով: 2014 թվականի մայիսին 2013 թվականի նույն ժամանակահատվածի համեմատ, անհատական բնակելի տների առուվաճառքի գործարքների քանակն աճել է 25.9 %-ով, ընդ որում, Երևանում 37.3 %-ով, իսկ մարզերում ` 22.1 %-ով:
Մայիսին Երևան քաղաքում անհատական բնակելի տների շինության 1 մ մակերեսի շուկայական միջին գները (ներառյալ տնամերձի միավորի գինը), 2013 թվականի մայիսի համեմատ աճել են 0.03%-ով: Վարչական շրջաններում շինության 250 մ և տնամերձի 400 մ միջին մակերեսներով անհատական բնակելի տների առուվաճառքների (պայմանագրային) գների և առաջարկվող գների վերլուծության արդյունքում ձևավորվել են հետևյալ շուկայական միջինացված գները` հաշվարկված շինության 1 մ մակերեսով (ներառյալ տնամերձի միավորի գինը).
Այս տարվա մայիսին, պարզվում է, անփոփոխ են մնացել նաև հանրապետության քաղաքներում, բացառությամբ Երևանը, անհատական բնակելի տների շինության 1 մ մակերեսի շուկայական միջին գները (ներառյալ տնամերձի միավորի գինը).
Ընդհանուր առմամբ, 2014 թվականի մայիսին հանրապետությունում օտարվել է 1688 միավոր (761.31 հա) հող, որից Երևանում` 122 միավոր (9.33 հա): Օտարված հողերն, ըստ նպատակային նշանակության, բաշխվել են.
• գյուղատնտեսական նշանակության հողեր` 946 միավոր (694.29 հա), որից Երևանում` 9
միավոր (2.55 հա),
• բնակելի կառուցապատման հողեր` 475 միավոր (34.06 հա), որից Երևանում` 65 միավոր (2.43 հա),
• հասարակական կառուցապատման հողեր` 161 միավոր (9.21 հա), որից Երևանում` 47
միավոր (4.34 հա),
• արդյունաբերական օբյեկտների հողեր` 14 միավոր (19.66 հա), որից Երևանում` 1 միավոր (0.01 հա),
• առողջարարական նպատակներով և հանգստի համար նախատեսված հատուկ
պահպանվող տարածքի հողեր` 4 միավոր (2.15 հա),
• հիդրոէլեկտրակայանների համար նախատեսված էներգետիկայի օբյեկտների հողեր` 88 միավոր (1.94 հա) ընդհանուր մակերեսով:
