«Ռոսսելխոզնադզորը» պատրաստակամություն է հայտնել թույլատրել Թուրքիայից կաթնամթերքի ներմուծումը: Այդ մասին հայտարարել է գերատեսչության ղեկավար Սերգեյ Դանկերտը, հաղորդում է «Ինտերֆաքսը»:
Նրա խոսքով՝ թուրքական կաթնամթերքի շուկայի «բացման» աշխատանքը «Ռոսսելխոզնադզորը» դեռ անցած տարի է սկսել: Ծրագրվում է պաշտոնականացնել ձեռքբերված պայմանավորվածությունները եւ սկսել մատակարարումները:
Դանկերտը հավելել է, որ այդ հարցերը կքննարկվեն Թուրքիայի գյուղատնտեսության նախարարության վերահսկողության եւ պարենի հարցերով գլխավոր տնօրենի պետքարտուղարի տեղակալ Նիհաթ Պաքդիլի հետ: Բանակցությունների ընթացքում նախատեսվում է քննարկել նաեւ թուրքական պտուղ-բանջարեղենային արտադրանքի մատակարարումների ընդլայնման հեռանկարները:
Ավելի վաղ հայտնի էր դարձել, որ Էկվադորը պատրաստ է Ռուսաստան ներմուծել կաթնամթերք ու ծովամթերք:
