Ղրիմի սպորտային ենթակառուցվածքները զարգացնելու համար կներդրվի 20 միլիարդ ռուբլի: Այս մասին տեղեկացնում է РИА Новости-ին՝ հղում տալով Ղրիմի նախարարների խորհրդի նախագահ Սերգեյ Ակսենովին:
«Մենք ամբողջությամբ կազմել ենք ֆեդերալ նպատակային ծրագիրը, որի համաձայն Ղրիմում սպորտի զարգացման համար ՌԴ-ն կներդնի ավելի քան 20 միլիարդ ռուբլի մինչև 2020 թվականը», — հայտարարել է գործիչը:
«Մեր խնդիրն է, որ պայմաններ ստեղծենք երիտասարդների համար, ովքեր ցանկանում են սպորտով զբաղվել, ինչպես նաև հավաքենք երեխաներին փողոցներից, վատ սովորույթներից ազատենք նրանց: Վերջին քսանամյակում Ղրիմի սպորտային ենթակառուցվածքները հետընթաց են ապրել», — ընդգծել է Ակսենովը:
Թերակղզու տրամադրության տակ կա երեք հիմնական մարզահամալիր՝ Սիմֆերոպոլում «Լոկոմոտիվը», որը տեղավորում է մոտ 20 հազար մարդ, Յալթայում «Ավանգարդը» և ալուշտինյան «Սպարտակը», որոնք էլ կարող են ընդունել մինչև 3000 երկրպագու:
