Ինչպես հաղորդում է ANNA-News գործակալությունը, Հոմս պրովինցիայում իրականացված ռազմական գործողությունների արդյունքում, սիրական կառավարական ուժերին հաջողվել է Ջեբալ Աշ-Շամարիայի շրջանում գրավել երեք բնակավայրեր:
Նախկինում Սիրական ազատ բանակի շարքերում մարտնչող Աբդել Բասեթ Սարուտոմը իր 100 համախոհների հետ միասին հավատարմության երդում է տվել ԻՊ-ի պարագլուխ Ալ-Բաղդաղիին: Ավելի վաղ դաշտային այս հրամանարը համարվում էր մահացած, սակայն անսպասելի վերակենդանացումից հետո պարզվել է, որ նախքան ահաբեկիչներին հարելը եղել է երկրի ֆուտբոլի հավաքականի անդամ ու ակումբային նախկին դարպասապահ:
Միաժամանակ, Համա պրովինցիայում իրականացված գործողությունների արդյունքում սիրական ուժերի կազմակերպած ծուղակն են ընկել ԻՊ-ի գրոհայինները: Արդյունքում բռնագրավվել է մեծ քանակությամբ զինամթերք ու հրթիռային համակարգեր:
Ռազմական գործողություններ են ծավալվել նաեւ Շեյխ Միսկին քաղաքում, որտեղ կառավարական ուժերին հաջողվել է գրավել ռազմավարական նշանակություն ունեցող բարձունքները:
