Բելառուսի իշխանություններն առաջին անգամ որոշել են 2 պատվավոր հյուպատոսություն բացել ԱՄՆ-ի տարածքում: Նրանցից մեկը կգործի Ֆլորիդա նահանգում, մյուսը` Տեխասում, РИА Новости-ին հայտնել է Ֆլորիդայում Բելառուսի պատվո հյուպատոս Միխայիլ Մորգուլիսը:
Նրա խոսքով`Բելառուսի ԱԳՆ-ի ղեկավարի հրամանը ստորագրվել է մի քանի շաբաթ առաջ: Այժմ տվյալ որոշումը պետք է հաստատվի ԱՄՆ Պետդեպի կողմից: Սպասվում է, որ դա տեղի կունենա Ամանորից հետո:
«Մենք պետք է փորձենք բացահայտել Բելառուսն ԱՄՆ-ում, որի մասին այստեղ քչերը գիտեն»,- բացատրել է Մորգուլիսը:
Նա Բելառուսը կարևոր երկիր է համարում, որը յուրահատուկ կամուրջ է Արևելքի և Արևմուտքի միջև: