Ինչպես հաղորդում է ՏԱՍՍ գործակալությունը, Աֆղանստանում իրականացված հակաահաբեկչական գործողությունների արդյունքում վնասազերծվել են շուրջ 60 թալիբներ, 14 գրոհայիններ վիրավորվել են ու ձերբակալվել իրավապահների կողմից:
Երկրի արտգործնախարարությունը հայտնել է, որ գործողություններն իրականացվել են Քանդահար, Զաբուլ, Պակտիկա ու Կապիսա պրովինցիաներում: Գործողություններին մասնակցել են երկրի անվտանգության ու ոստիկանության ստորաբաժանումները, որոնց հաջողվել է բռնագրավել մեծ քանակությամբ զենք ու զինամթերք, այդ թվում նայեւ՝ հրթիռային համակարգեր:
Միաժամանակ ՆԱՏՕ-ի անօդաչու սարքի միջոցով ոչնչացվել է շուրջ 18 ահաբեկիչ:
