Ինչպես հաղորդում է Ռիա Նովոստի գործակալությունը, Լիտվան ուկրաինական բանակին ռազմական օգնություն է տրամադրել:
Լիտվայի պաշտպանության նախարար Յուազաս Օլյակասը հայտնել է, որ լիտվական կողմը բավարարել է Պորոշենկոյի խնդրանքն ու նրան տրամադրել ռազմական օգնություն , միաժամանակ ավելացնելով, որ Լիտվան օժանդակում է Ուկրաինային ու այսուհետ կշարունակի ռազմական առաքումները:
Ավելի վաղ Պորոշենկոն հայտնել էր, որ Լիտվան Ուկրաինային տրամադրել է զինվորական տաք հագուստ, կոշիկներ: Նա նաև նշել էր, որ սպասվում են նոր առաքումներ Կանադայից ու Լեհաստանից:
Ավելացնենք, որ 2014թ.-ի նոյեմբերին Լիտվայի ու Ուկրաինայի միջեւ ստորագրվել էր ռազմա- տնտեսական բնագավառում համագործակցության համաձայնագիր: