Ինչպես հաղորդում է ՏԱՍՍ գործակալությունը, Եմենի մայրաքաղաք Սանայի արեւմտյան շրջանում հնչել է ուժգին պայթյուն: Պայթյունի նշանակետը եղել է Անսար Ալահ շիա խմբավորման շինությունը: Զոհերի ու վիրավորների մասին տեղեկություն դեռեւս չկա:
Հունվարի 4-ին պայթուցիկ սարք էր գործի դրվել նաեւ Դամար բնակավայրի տներից մեկում, որտեղ բնակվել են շիա մահմեդականներ: Արդյունքում մահացել էր 4 մարդ, 25-ը՝ վիրավորվել: Տեղեկությունների համաձայն, մահացել էր մեկ տեղացի լրագրող:
Ավելի վաղ շիաների ղեկավար Աբդել Մալիքը հայտարարել էր, որ իրենք չեն ընդունում ֆեդերատիվ ռեֆորմների համաձայնությունը և իր համախոհներին կոչ էր արել մերժել այդ նախագիծը:
