Ինչպես հաղորդում է ՏԱՍՍ գործակալությունը, Լիբիայի ռազմաօդային ուժերը հարձակում են գործել Լիբերիական դրոշի ներքո նավարկող հունական նավթային տանկերի վրա, որի արդյունքում մահացել են երկու նավաստիներ, իսկ երկուսն էլ՝ վիրավորվել:
Դեպքը տեղի է ունեցել Լիբիայի Դերնա նավահանգստում, հարվածը հասցվել է այն ժամանակ, երբ նավը դուրս էր գալիս նավահանգստի տարածքից: Այս քաղաքում է գտնվում այն ահաբեկիչների ռազմաբազան, ովքեր իրենց հավատարմությունն են հայտնել Իսլամական պետությանը:
Նավի անձնակազմում եղել են 26 նավաստի , որոնցից 21-ը Փիլիպինների քաղաքացի են, երեքը՝ Հունաստանի, իսկ մեկը՝ Ռումինիայի:
Լիբիայի ռազմաօդային ուժերի հրամանատարությունը հայտնել է, որ նավը ռմբակոծվել է, քանի որ վերջինիս անձնակազմը հրաժարվել է կատարել խարիսխ գցելու հրամանը:
