Ինչպես հաղորդում է Ռիա Նովոստի գործակալությունը, Բելգիայի ներքին գործերի նախարար Ժան Ժամբոնը անհրաժեշտ է համարում արտասահմանյան ահաբեկիչների եվրոպական միասնական ցուցակի կազմումը, որն առավել նպատակային կդարձնի միջազգային ահաբեկչության դեմ պայքարը:
Բելգիացի պաշտոնյան նշել է, որ եվրոպական հատուկ ծառայությունների փոխհամագործակցությունն ունի վճռորոշ դեր ահաբեկչության դեմ մղվող գործընթացում:
Հիշեցնենք, որ Ֆրանսիայում մի շարք ահաբեկչական գործողությունների իրականացումից հետո, ավելի առաջնային են դառնում անվտանգության ապահովմանն ուղված միջոցառումները: