Ինչպես հաղորդում է INTERFAX.RU գործակալությունը, Վրաստանի այն քաղաքացիներն, որոնք անօրինական ռազմական գործողություններ վարելու նպատակով համալրում են ահաբեկչական խմբավորումների շարքերը, կենթարկվեն քրեական պատասխանատվության:
Ինչպես հայտնել է Վրաստանի արդարադատության նախարար Թեա Ցուլուկիանին, Վրաստանի տարածքից դուրս օտարերկրյա զինված խմբավորումներում մարտնչող քաղաքացիները կենթարկվեն քրեական պատասխանատվության:
Նրա խոսքերով երկրի քրեական օրենսգրքում նմանատիպ փոփոխությունների անհրաժեշտությունն առաջացել է այն բանից հետո, երբ Վրաստանի քաղաքացիները սկսել են անդամագրվել Իրաքի, Ուկրաինայի ու Սիրայի տարածքներում գործող անօրինական ռազմական խմբավորումներին: