Մեծ Բրիտանիայում ոստիկանությունը բերվել է բարձր պատրաստվածության վիճակի։ Դա արվել է Բելգիայում հակաահաբեկչական գործողությունից հետո, որի ժամանակ սպանվել է երկու գրոհային, հաղորդում է gazeta.ru-ն՝ հղում անելով The Guardian-ին:
Երկրում հայտարարվել է ոստիկանների և հրեական համայնքներում պարեկների նկատմամբ ահաբեկչության իրականացման վտանգի հինգ մակարդակից չորրորդը:
Մեծ Բրիտանիայի ողջ տարածքում ոստիկանության աշխատակիցներին ուղարկվել են հնարավոր վտանգի մասին նախազգուշացումներ:
Ավելի վաղ հայտնի է դարձել, որ Մեծ Բրիտանիայի վարչապետ Դևիդ Քեմերոնը մոտ ժամանակներս մտադիր է ժամանել Վաշինգտոն՝ ԱՄՆ նախագահ Բարաք Օբամայի հետ անվտանգության հարցով շտապ բանակցություններ անցկացնելու նպատակով:
Ինչպես նշվել է, տվյալ որոշումը կայացվել է Փարիզում ահաբեկչական հարձակումների և համացանցում հաքերային հարձակումների աճող վտանգի առնչությամբ:
