Ինչպես հաղորդում է Ռիա Նովոստի գործակալությունը, Եմենի շիա ապստամբների զորաջոկատները շրջապատել են երկրի վաչապետի նստավայրը:
Եմենի կառավարության ներկայացուցիչ Ռաջի Բադին հայտնել է, որ զինված ջոկատները շրջապատել են նստավայրն, որտեղ գտնվում է վարչապետը:
Ավելի վաղ հայտնի էր դարձել, որ շիա ապստամբներն երկրի մայրաքաղաք Սանայում նախագահական պալատի մոտ զինված բախումներ են ձեռնարկել կառավարական ուժերի դեմ:
Ապստամբները գնդակոծել էին վարչապետ Խալիդ Բահախի ավտոշարասյունն, որին հաջողվել էր շարժվել դեպի իր նստավայրը:
Բախումների ընթացքում ապստամբների ու կառավարական ուժերի շրջանում կան տասնյակ սպանվածներ, ավելի քան 60 մարդ վիրավորվել է: