Ինչպես հաղորդում է Ռիա Նովոստի գործակալությունը, Ռուսաստանի արտգործնախարար Սերգեյ Լավրովն ու ԱՄՆ պետքարտուղար Ջոն Քերրին հեռախոսազրույցի ընթացկում քննարկել են Ուկրաինայում տիրող իրավիճակը:
Այդ մասին հայտնել է ՌԴ արտգործնախարարության մամուլի ծառայությունը, նշելով, որ երկու երկրների արտգործնախարարները կարեւորել են արեւելյան Ուկրաինայում կրակի դադարեցման ու հակամարտության խաղաղ կարգավորման անհրաժեշտությունը, մինսկյան համաձայնագրերի պահպանումը:
Հիշեցնենք, որ վերջին օրերին սրվել է իրավիճակը Դոնբասում, որտեղ ընթանում են արյունալի մարտեր: Կողմերը մեղադրում են միմյանց հրադադարի համաձայնագրի խախտման համար:
