Ստամբուլի քաղաքապետարանը ցուցահանդես է կազմակերպել, որի ընթացքում ցուցադրվում են 1914 և 1915 թվականներին լույս տեսած թերթերի լուրերն ու փաստաթղթեր:
Ցուցադրվող նմուշներում գերակշռում են Չանաքքալեի ճակատամարտին նվիրված դրվագները, որտեղ հայերը ներկայացվում են որպես «դավաճաններ», իսկ հույները՝ որպես «դասալիքներ»:
Երկու ազգերի կոտորածների մասին, սակայն, խոսք անգամ չկա:
Ստամբուլի քաղաքապետարանի կողմից ցուցադրվող նմուշների թվում են թերթեր, շաբաթաթերթեր, լուսանկարներ, գրքեր, փաստաթղթեր ու հավաքածուներ՝ նվիրված Առաջին աշխարհամարտի 100-ամյակին:
Ցուցահանդեսը բաց է լինելու մինչև մարտ:
