Թուրքիայի արտգործնախարարության մամուլի խոսնակ Թանժու Բիլգիչը մամուլի ասուլիսի ընթացքում անդրադարձել է երկրի վարչապետ Ահմեթ Դավութօղլուի վերջին հայտարարությանը՝ հայերի հետ ամեն ինչ նորից սկսելու պատրաստակամության մասին:
«Անցյալ տարի քաղաքական հեռանկար էր ուրվագծվել: Այս տարի էլ ուղերձ հղվեց այն մասին, որ հայերին հասկանում ենք, սակայն ցանկանում ենք նաև ապագան լուսավորել»: Սակայն ամենից կարևորը, որ ցանկանում ենք 1915-ի ցավի վրա հիմված քաղաքական դրսևորումներին դեմ կեցվածք դրսևորել, պատմությունից հանել թշնամանքն ու մարդկային հարաբերություններ կառուցել:
Թե՛ Էրդողանի, թե՛ Դավութօղլուի մեկնաբանությունները, 1915-ի իրադարձությունների հարյուրամյակին ընդառաջ տակտիկա չեն, այլ անկեղծ քայլեր: Այդ հայտարարություններն, իրականում, մարդկային, խղճով թելադրված կեցվածքի դրսևորում են»,-ասել է նա:
