Ինչպես հաղորդում է ANNA NEWS գործակալությունը Դամասկոսի պրովինցիայում շարունակվում է սիրական ուժերի հարձակումը Ջոբարի ուղղությամբ, որոնք նոր հենակետեր են գրավել Աթ-Թեյբա մզկիթի շրջակայքում:
Դամասկոսի հարավում լուրջ բախումներ տեղի չեն ունեցել, գրանցվել է փոխհրաձգության դեպքեր:Կալյամունի արեւելքում ԻՊ-ի գրոհայինները վնասազերծել են իրենց դեմ դուրս եկած Աշ-Շարքիա խմբավորման ականապատված ավտոմեքենան, իսկ այնուհետեւ հակառակորդների նոր հարձակումները բացառելու համար ամրապնդել են իրենց դիրքերը Ալ-քասաբ շրջանում:
Միաժամանակ սիրիական բանակը շարունակել է հարձակումները ընդհուպ մինչեւ Լիբանանին սահմանակից լեռնային տարածքի ուղղությամբ:
Միաժամանակ սիրիական հրետանին ռմբակոծել է Աբու-Դուհուր բնակավայրում գտնվող ԻՊ խմբավորման հենակետերը, իսկ Ազ-Զավիյա շրջանում դեռեւս շարունակվում են մարտերը ԱՆ-Նուսրայի ու ԻՊ գրոհայինների միջեւ:
Հիշեցնենք, որ Աբու-Դուհուր օդանավակայանը գտնվում է Իդլիբից 50 կմ արեւելք ընկած տարածքում, որի հարակից շրջաններում շարունակվում են արյունալի մարտերը կառավարական ուժերի ու Ան-Նուսրա խմբավորման գրոհայինների միջեւ, որոնց նպատակն է զավթել օդանավակայանը:
Սիրիական ուժերի համար ռազմական օդանավակայանն ունի ստրատեգիական կարեւոր նշանակություն, այստեղ են հատվում մի շարք ավտողճուղիներ: