Ինչպես հաղորդում է «Երրորդ համաշխարհային պատերազմ պորտալը», գիշերվա ընթացքում ծավալված ռազմական գործողությունների ժամանակ ուկրաինական ուժայինները տվել են շուրջ 60 զոհ, հակառակորդը կորցրել է 4 զրահամեքենա:
Այդ մասին հայտնել է Դոնեցկի ինքնահռչակ հանրապետության ինքնապաշտպանական ուժերի հրամանատարի տեղակալ Էդուարդ Բաստուրինը, նշելով որ աշխարհազորայինները կորցրել են 8 զինծառայող, իսկ 16 մարդ վիրավորվել է:
Նրա խոսքերով արյունալի մարտերը շարունակվում են Գորլովկա ու Պեսկի բնակավայրերի շրջակայքում, ուկրաինական կողմը շարունակում է ռմբակոծել Գորլովկան, Դոնեցկի օդանավակայանի տարածքը:
Բասուրինի խոսքերով ներկայումս հակառակորդն ականանետային ու հրաձգային կրակի տակ է պահում Դոնեցկի Օկտյաբրսկայա շրջանը, իսկ Գորլովկայում հրետակոծության հետեւանքով խաթարվել է էլեկտրաէներգիայի մատակարարումն ու կապի միջոցները:
Վերջում նա ավելացրել է, որ այսօր աշխարհազորայինները գրավել են Օզերյանովկա ու Միխաելովկա բնակավայրեր, իսկ Դերժինսկի մոտ ուկրաինական ուժայինները հայտնվել են շրջափակման մեջ:
Ինչ վերաբերվում է Մարիուպոլին, ապա այնտեղ կողմերը շարունակում են միմյանց դիրքերի հրետակոծումը:
