ԱՄՆ-ի պետքարտուղար Ջոն Քերին հայտարարել է, որ միջազգային կոալիցիային ու իրաքյան ուժերին հաջողվել է ոչնչացնել «Իսլամական պետություն» (ԻՊ) ահաբեկչական խմբավորման առաջնորդների կեսին, ինչպես նաև՝ հազարավոր գրոհայինների:
Ինչպես նշում է korrespondent.net-ը, պաշտոնյան հավելել է, որ Իրաքի տարածքում դաշնակից ուժերին հաջողվել է ԻՊ-ից հետ գրավել 700 ք/կմ մակերեսով տարածք:
Միևնույն ժամանակ պետքարտուղարն ԻՊ-ի դեմ պայքարի շրջանակներում Միացյալ Նահանգների գործընկերներին կոչ է արել ավելի շատ ջանք գործադրել, որպեսզի ծայրահեղականների եկամուտները սահմանափակվեն, իսկ նրանց շարքերը համալրող օտարերկրացի գրոհայինների թիվը քչանա:
Աղբյուրը հիշեցնում է, որ ԻՊ-ը ձևավորվել է Իրաքում` 2013թ., իսկ ավելի ուշ ներթափանցել է Սիրիայի տարածք:
