Ինչպես հաղորդում է vz.ru լրատվական կայքը, Միլիարդատեր ու բորսային մագնատ Ջորջ Սորոսն Ուկրաինայում տիրող ներկա իրավիճակը միանգամայն հակառակ ուղղությամբ համեմատել է ԽՍՀՄ փլուզման հետ, երբ քանդվեց խորհրդային երկիրն, իսկ Եվրոպան միավորվեց:
Միլիարդատերի կարծիքով ներկայումս առաջացել է միանգամայն հակառակ իրավիճակը, քանի որ Եվրոպան վերածվել է վարկատուների ու վարկառուների միության, որտեղ վարկառուները դժվարությամբ են կատարում իրենց առջեւ դրված պարտականությունները, վարկառուները թելադրում են այնպիսի պայմաններ, ինչի արդյունքում մի շարք երկրներ ամբողջությամբ ընկել են կախվածության մեջ:
Սորոսը կոչ է արել Եվրոպային Ուկրաինային անհապաղ ֆինասական օգնություն տրամադրել, նշելով որ Ուկրաինայի կորուստը ճակատագրական կլինի ԵՄ-ի համար:
Հիշեցնենք, որ Հունվարի կեսերին Ուկրաինայի նախագահ Պյոտր Պորոշենկոն հանդիպել էր Սորոսի հետ՝ քննարկելու Ուկրաինային առաջիկայում ֆինանսական օժանդակություն ցուցաբերելու հիմնախնդիրները:
Իսկ մինչ այդ Սորոսը կոչ էր արել Ուկրաինային տրամադրել ֆինանսական օգնություն, ինչպես դա ժամանակին իրականացվել էր Եվրոպայի նկատմամբ՝ Մարշալի պլանի շրջանակներում:
