Ինչպես հաղորդում է ՏԱՍՍ գործակալությունը, Հնդկաստանի մայրաքաղաք Նյու-Դելիում ձախ կուսակցությունների կողմնակիցները բողոքի ակցիա են կազմակերպել հունվարի 25-27-ը ԱՄՆ նախագահ Բարաք Օբամայի Հնդկաստան կատարվելիք այցելության դեմ:
Բողոքի ակցիան իրականացվում է 18-րդ դարում կառուցված Ջանթար-Մանթար աստղադիտարաին մոտակայքում: Ակցիային մասնակցում են Հնդկաստանի շուրջ 6 քաղաքական կուսակցություններ, այդ թվում՝ երիտասարդական միությունն ու կոմունիստական կուսակցության անդամները:
Օբաման Հնդկաստան է ժամանելու հունվարի 25-ին ՝ Հնդկաստանի վարչապետ Նարենդրա Մոդիի հետ հանդիպելու նպատակով: Այցի շրջանկներում նախատեսվում են հանդիպումներ նաեւ Հնդկաստանի նախագահի ու քաղաքական գործիչների հետ, որից հետո երկու երկրների նախագահներն ելույթ կունենան երկրի պետական ռադիոյով:
Օբամայի այցը համընկնում է Հնդկաստանի անկախության հռչակման տարելիցի հետ, այդ իսկ պատճառով ակցիայի կազմակերպիչները չեն ցանկանում նշանակալից այդ օրը Օբամային տեսնել իրենց երկրում:
Նրանք պնդում են, որ սրբազան այդ օրը Հնդկաստան է ժամանում մի անձ, ով ջանք չի խնայում ժողովուրդների ստրկացման գործընթացում, ով պատասխանատու է Լիբիայում, Սիրիայում թափվող անմեղ արյան համար: