Ինչպես տեղեկացնում է ANNA.NEWS գործակալությունը, Իսրայելի կողմից օկուպացված Գոլանի բարձունքներում այսօր պայթել է երեք ռումբ, որոնք ինչպես հավաստիացնում է իսրայելական կողմը, արձակվել են սիրիական հրետանու կողմից: Դեպքը տեղի է ունեցել Ջեբալ Շեյխում տեղակայված իսրայելական սահմանապահ ուղեկալի շրջանում: Զոհերի ու վիրավորների մասին առայժմ տեղեկություններ չկան:
Դրան ի պատասխան Իսրայելի ավիացիան հրթիռակոծման է ենթարկել սիրիական ռազմական օբյեկտները՝ հայտարարելով, որ սիրիական հրետանու հարվածները չէին կարող պատահականության արդյունք լինել:
Հատկանշական է, որ իսրայելական օդուժի աշխուժացումը համընկել է Գոլանի բարձունքներին սահմանակից շրջաններում վերջին օրերին ռազմակական գործողությունների վերսկսման հետ, որտեղ կառավարական ուժերը ռազմական գործողություններ են ծավալում այսպես կոչված ընդդիմադիր գրոհային խմբավորումների դեմ:
