Բելառուսի Պետական մաքսային կոմիտեի իրավական վարչության պետի տեղակալ Պավել Կոնոպլյանիկովը Մինսկում կայացած հունվարի 28-ի մամուլի ասուլիսում հայտարարել է,որ ԵՏՄ Մաքսային օրենսգիրքը ստորագրվելու է մինչեւ 2015 թ. վերջ:
«ԵՏՄ մաքսային օրեսգրքի նախագիծը պատրաստ է: Հաշվի են առնվել գրեթե բոլոր շահագրգիռ կողմերի ցանկությունները», - ասել է Կոնոպլյանիկովը:
Ըստ նրա՝ մինչեւ մարտի 31-ը կավարտվի փաստաթղթի ներպետական համաձայնեցման գործընթացը, որից հետո այն կուղարկվի լրացման՝ հաշվի առնելով ստացված դիտողությունները:
«Մինչեւ տարավերջ կստորագրվի վերջնական փաստաթուղթը», - ասել է նա, փոխանցում է «ՌԻԱ Նովոստին»:
Նա բացատրել է, որ «դա գլոբալ փաստաթուղթ է լինելու, որն ընդգրկում է հեռանկարային բոլոր հարցերը»:
