Ամերիկացի միլիարդատեր, «Վերածնունդ» հիմնադրամի հիմնադիր Ջորջ Սորոսը կարծում է, որ Ռուսաստանի նախագահ Վլադիմիր Պուտինը ցանկանում է հասցնել ոչնչացնել Ուկրաինան՝ նախքան Ռուսաստանում տնտեսական կոլապսը, փոխանցում է Обозреватель-ը։
«Թեև Ռուսաստանը գտնվում է խորացող ֆինանսական ճգնաժամում, Պուտինը, կարծես, որոշել է, որ կարող է ոչնչացնել նոր Ուկրաինան՝ նախքան այն կարող է ամբողջությամբ ամրապնդվել, և նախքան տնտեսական ակումը կոչնչացնի նրա իսկ հեղինակությունը»,- ասվում է միլիարդատիրոջ և փիլիսոփա Բեռնար Անրի Լևիի համատեղ հոդվածում, որը տպագրվել է The New York Times-ում։
Սորոսը և Լևին վստահեցնում են, որ Պուտինը ռազմական և ֆինանսական ճնշում է ստեղծում Ուկրաինայում։
Նրանք նշում են նաև, որ Ուկրաինային անհրաժեշտ է 15 մլրդ դոլարի ֆինանսական աջակցություն։ Սորոսի և Լևիի կարծիքով՝ սեղանին դրված է ոչ միայն Ուկրաինայի, այլև հենց Եվրոպական միության ապագան։ Ուկրաինայի կորուստը ծանր հարված կլինի։
