Բելառուսի նախագահ Ալեքսանդր Լուկաշենկոն հայտարարել է, որ Բելառուսը, Ռուսաստանը և Ուկրաինան կապում են սերտ տնտեսական և մշակութային հարաբերությունները, որոնք անհնար է խզել, գրում է gazeta.ru-ն:
«Ռուսաստանը, Բելառուսը և Ուկրաինան կապում են սերտ պատմական, մշակութային, տնտեսական կապերը: Այդ հարաբերությունները խզել ոչ ոքի չի թույլատրվի և անհնարին է»,- հայտարարել է Լուկաշենկոն:
Նա նշել է, որ 2014 թվականին գրանցվել է «լարվածության աճ ոչ միայն հարևան Ուկրաինայում, այլև աշխարհի այլ կետերում»:
«Եղբայրական ժողովրդի ողբերգությունը մեզ ստիպում է մտածել խաղաղությունը և կայունությունը պահպանելու մասին»,- հայտարարել է Բելառուսի նախագահը:
