Կարեն Դեմիրճյանի անվան մարզահամերգային համալիրը պարտքերի համար անցել է պետությանը և կփոխանցվի պաշտպանության նախարարությանը: Այս մասին որոշում է ընդունվել կառավարության օգոստոսի 21-ի նիստում:
Ավելի վաղ 46,3 հազ. քմ մակերեսով համալիրը հարկադիր աճուրդի էր հանվել պետբյուջեին 10,2 մլրդ դրամի չմարված պարտքի և դատական չվճարված 200 մլն տուրքի պատճառով: Մի քանի աճուրդներից հետո գնորդ այդպես էլ չի ճարվել, նույնիսկ երբ մեկնարկային գինն իջեցվել է:
Մարզահամերգային համալիրը կտրվի ՊՆ-ին՝ բալանսային 10,4 մլրդ դրամ արժեքով:
