Ինչպես հաղորդում է INTERFAX.RUգործակալությունը, Ուկրաինայի երկրորդ նախագահ ու կոնտակտային եռակողմ խմբի անդամ Լեոնիդ Կուչման հայտնել է Մինսկի բանակցությոնների անարդյունք ավարտի մասին:
Նրա խոսքերով, Դոնեցկի ու Լուգանսկի ներկայացուցիչներ Դենիս Պուշլինն ու Իգոր Պլոտնիցկին հանդիպման ընթացքում կառուցողականություն դրսեւորելու փոխարեն հանդես են եկել վերջնագրային արտահայտություններով, ինչը հագեցրել է բանակցությունների ընդհատմանը:
Կուչման հայտնել է, որ աշխարհազորայինները հրաժարվել են քննարկել ծանր զինատեխնիկայի հեռացման ու կրակի դադարեցմանն առնչվող հարցերը:
Կուչման նշել է, որ ուկրաինական կողմը չի փոխել իր դիրքորոշումը, հավատարիմ է մինսկյան համաձայնագրերին, ուստի չի կարող ընդունել իր նկատմամբ վերջնագիր ներկայացնող կողմի փաստարկները:
Նախկին նախագահը վերջում ավելացրել է, որ ուկրաինական կողմը կսպասի Ռուսաստանի պաշտոնական մեկնաբնությանը:
Լուգանսկի ու Դոնեցկի ներկայացուցիչները մինսկյան բանակցությունների մասին մեկնաբանություններով դեռեւս հանդես չեն եկել:
