Ռուսաստանը թույլատրել է, որպեսզի երկիր կաթնամթերք մատակարարեն թուրքական ընկերությունները, հայտնում է The Moscow Times-ը՝ վկայակոչելով ՌԴ անասնաբուժական և ֆիտոսանիտարական ոլորտում վերահսկողություն իրականացնող «Ռոսսելխոզնադզոր» դաշնային ծառայության հայտարարությունը:
Սա տեղի է ունենում ԱՄՆ-ից ու ԵՄ-ից Ռուսաստան սննդի ներմուծման սահմանափակման ֆոնին:
Աղբյուրը նկատում է, որ այս լուրի ֆոնին թուրքական կաթ արտադրող ընկերություններից մեկի՝ Pinar Sut-ի բաժնետոմսերի գինն աճել է 7.9 տոկոսով, ինչը զգալի ցուցանիշ է, թե ինչպես է Թուրքիան օգուտ քաղում ռուսական շուկա այս մուտքից:
Նկատվում է, որ Արևմուտքի դեմ Ռուսաստանի պատասխան պատժամիջոցներից ամենից շատ կշահեն Թուրքիան և Լատինական Ամերիկայի երկրները:
Թուրքիայում կանխատեսել են Ռուսաստան միրգ-բանջարեղենի արտահանման կրկնապատկում: