Ինչպես տեղեկացնում է ՏԱՍՍ գործակալությունը, ՆԱՏՕ-ն պնդում է, որպեսզի Ռուսաստանը չճանաչի Աբխազիայի եւ Հարավային Օսիայի անկախությունը:
«ՆԱՏՕ-ի անդամ պետությունների նախարարները հաստատել են իրենց չճանաչման քաղաքականությունը եւ Ռուսաստանին կոչ են արել հրաժարվել ճանաչել Հարավային Օսիայի եւ Աբխազիայի անկախությունը»,- ասված է հայտարարությունում:
Փաստաթղթում նաեւ նշվում է, որ Հյուսիսատլանտյան դաշինքն ամբողջությամբ սատարում է Վրաստանի ինքնիշխանությունն ու անկախությունը, ինչպես նաեւ տարածքային ամբողջականությունը:
Վրաստան-ՆԱՏՕ հանձնաժողովի նիստը կայացել է այսօր՝ փետրվարի 5-ին, Բրյուսելում:
Ավելի վաղ հայտնի էր դարձել, որ ՆԱՏՕ-ի ղեկավարությունը Թբիլիսիի հետ պայմանավորվածություն է ձեռք բերել Վրաստանի տարածքում ուսումնավարժանք անցկացնելու մասին:
