Պենտագոնի ղեկավար Չաք Հեյգելն ու Վրաստանի պաշտպանության նախարար Մինդիա Ջանելիձեն Բրյուսելում քննարկել են «Ռուսաստանի վրա ճնշում գործադրելու» հարցը, ինչպես տեղեկացնում է Взгляд-ը, այդ մասին հաղորդել է ԱՄՆ-ի ռազմական գերատեսչությունը:
«Պաշտոնյաները քննարկել են Ուկրաինայում շարունակվող ճգնաժամը: Նրանք քննարկել են դաշնակիցների ու գործընկերների ջանքերը տարածաշրջանում՝ ամրապնդելու միջազգային պարտավորություններն ու դիվանագիտական ու տնտեսական ճնշումները Մոսկվայի վրա», -ասված է Պենտագոնի հաղորդագրության մեջ:
Հեյգելը Վրաստանին երախտագիտություն է հայտնել Աֆղանստանում և Իրաքում «Իսլամական պետության» դեմ պայքարին աջակցելու համար:
Պենտագոնի ղեկավարը խոստացել է «սերտորեն համագործակցել Վրաստանի հետ՝ պաշտպանության ոլորտում»:
Անդրադառնալով «ՆԱՏՕ-Վրաստան» խորհրդի նիստին, ամերիկյան ռազմական գերատեսչության ղեկավարն ասել է. «Մենք հաստատեցինք Դաշինքի հավատարմությունը Վրաստանի ու ՆԱՏՕ-ի կապերն ամրապնդելու հարցում: Վրաստանը ՆԱՏՕ-ի ամենահավատարին գործընկերներից է, և մենք առաջ ենք շարժվում՝ Ուելսում համաձայնեցված քայլերի շրջանակներում»:
