Թուրքիայում որոշել են Չանաքքալեի ճակատամարտի (Գալիպոլիի ճակատամարտ) 100- ամյակին նվիրված 1915 մետր երկարությամբ և 3 մետր լայնությամբ թուրքական դրոշ պատրաստել:
Ինչպես տեղեկացնում է Haberler կայքը, ակնկալվում է, որ այդ չափսերով թուրքական դրոշը կհայտնվի Գինեսի ռեկորդների գրքում:
Գալիպոլիի ճակատամարտին նվիրված այդ քայլը տեղի է ունենալու մարտի 18-ին` այն օրը, երբ սովորաբար Թուրքիայում ընդունված է եղել տոնել այն:
Դրոշի վրա երկու մետր միմյանցից հեռավորությամբ կիսալուսինն ու աստղն են տեղ գտնելու:
Այդ օրը երեկոյան կայանալիք միջոցառմանը երիտասարդները դրոշը տանելու են իրենց ուսերի վրա:
Ավելի ուշ դրոշը հանձնվելու է Չանաքքալեի քաղաքապետարանին` որպես հուշ:
